بركان و ماأدراك من بركان..

عبد الصمد بلعزيز
رياضة
عبد الصمد بلعزيز
نشرت منذ 3 أشهر يوم 30 نوفمبر 2020
بركان و ماأدراك من بركان..

بركان و ماأدراك من بركان..
مدينة أكتر تهميش من مدينة مكناس.. مكانسا كايتشكاو من نقص في المشاريع في المدينة في حين بركان مكاينة حتى فالخريطة مدينة كتر من مقتولة على جميع الأصعدة حتى من مشاهير المدينة كلشي كايعرف غير العداء المغربي الكروج.. قبل من 2012 تاواحد مكان كايتخيل أن هناك فريق في بركان سميتو نهضة بركان و غادي يصنع العجب اليوم و نقدرو نقوليك أنه ولا من أعمدة الكرة المغربية اليوم وبل أصبح يقارع كبار القارة السمراء.. فعامين لعب جوج مرات النهائي ديال الكونفيدرالية الافريقية باش يبرهن على أنه وصوله لنهائي مكانش بصدفة كيف لا وهو الفريق لي قهرف النادي الافريقي التونسي العريق ذهابا و ايابا و نافس الزمالك المصري تال ضربات الترجيح و خسر نهائي 2019 باش مور عام غايرجع و يحكم المسابقة.. صراحة فريق قوي متجانس و يلعب كرة عصرية و أنا شخصيا كايفرجوني و كانشوف كرة لي كاتنسيني فانتكاسات النادي المكناسي..
هادشي طبعا ماجاش وطاح من سماء الأرض.. راه كان مشروع رياضي لي ترأسه القجع أقول ترأسه لأنه ماشي بوحديه لي كان.. القجع لقا معامن يخدم و لقا الناس باغا تزيد لقدام وساندوه بدون تشويش و تا الا كان تشويش فماشي بديك الحدة لي تخلي الناس تفكر تخلى على هاد المشروع الرياضي..
مشروع لغير من الوجه الرياضي للمدينة بركان.. من ناحية الفريق لصعد من الهواة للقسم التاني تم الأول بخط تصاعدي ممنهج.. من ناحية الملعب لي ولا ماشي غي ملعب يليق بكرة القدم لفريق محترف فقط بل أصبح يستقبل مباريات المنتخبات الوطنية.. و لي عجبني كتر و هو نهضة بركان عندها واحد الوزن داخل الجامعة لي أنهوم عارفين أنه شحااال من حاجة كاتلعب ماوراء الستار.. تا ولا القجع اليوم هو رئيس الجامعة الملكية للكرة القدم تم دخل أيضا للكاف و هاد العام ترشح للدخول الى الفيفا.. يعني السيد عارف أش كايدير و هاد هو لي تسميه الرجل المناسب فالمكان المناسب..
أي حاجة تدارت كان مخطط ليها.. المجد لي صنعاتو بركان اليوم يدرس للجميع الفرق و متال خص المسييرين دنادي المكناسي يخدوه كقدوة ليهوم لأن هاد الفريق هرب علينا و مزال غايهرب بالخدمة لي مسطرين عليها…
محمد عزيز.. أصبح يعد من أساطير النادي البركاني.. و هو ابن نواحي مكناس و سبق ليه لعب لبلدية تولال مكناس.. و كون مشى النادي المكناسي بلاصت بركان كون اليوم راه كايسعى و لا يبيع الحشيش..
وأخيراا.. كانبغي نهني فريق بركان بالفوز بلقب الكاف و كذلك جمهور ديالو لي ولا عندو فريق يقدو يفتاخرو بيه لانه هزليهوم راسهوم.
#save_codm #منقول

Screenshot 20201130 181909 - عالم أونلاين
رابط مختصر

اترك تعليق

لن يتم نشر عنوان بريدك الإلكتروني. الحقول الإلزامية مشار إليها بـ *


شروط التعليق :

عدم الإساءة للكاتب أو للأشخاص أو للمقدسات أو مهاجمة الأديان أو الذات الالهية. والابتعاد عن التحريض الطائفي والعنصري والشتائم.